||Sundarakanda ||
|| Sarga 37||( Slokas in Kannada )
हरिः ओम्
Sloka Text in Telugu , Kannada, Gujarati, Devanagari, English
||ಓಮ್ ತತ್ ಸತ್||
ಸುಂದರಕಾಂಡ.
ಅಥ ಸಪ್ತತ್ರಿಂಶಸ್ಸರ್ಗಃ
ಸೀತಾ ತದ್ವಚನಂ ಶ್ರುತ್ವಾ ಪೂರ್ಣಚಂದ್ರ ನಿಭಾನನಾ|
ಹನೂಮಂತ ಮುವಾಚೇದಂ ಧರ್ಮಾರ್ಥಸಹಿತಂ ವಚಃ||1||
ಅಮೃತಂ ವಿಷಸಂಸ್ಪೃಷ್ಟಂ ತ್ವಯಾ ವಾನರಭಾಷಿತಮ್|
ಯಚ್ಚ ನಾನ್ಯಮನಾ ರಾಮೋ ಯಚ್ಚ ಶೋಕಪರಾಯಣಃ||2||
ಐಶ್ವರ್ಯೇ ವಾ ಸುವಿಸ್ತೀರ್ಣೇ ವ್ಯಸನೇ ವಾ ಸುದಾರುಣೇ|
ರಜ್ಜ್ವೇವ ಪುರುಷಂ ಬದ್ಧ್ವಾ ಕೃತಾಂತಂ ಪರಿಕರ್ಷತಿ||3||
ವಿಧಿರ್ನೂನಮಸಂಹಾರ್ಯಃ ಪ್ರಾಣಿನಾಂ ಪ್ಲವಗೋತ್ತಮಃ|
ಸೌಮಿತ್ರಂ ಮಾಂ ಚ ರಾಮಂ ಚ ವ್ಯಸನೈಃ ಪಶ್ಯ ಮೋಹಿತಾನ್||4||
ಶೋಕಸ್ಯಾಸ್ಯ ಕದಾ ಪಾರಂ ರಾಘವೋsಧಿಗಮಿಷ್ಯತಿ|
ಪ್ಲವಮಾನಃ ಪರಿಶ್ರಾಂತೋ ಹತನೌ ಸ್ಸಾಗರೇ ಯಥಾ||5||
ರಾಕ್ಷಾಸಾನಾಂ ವಧಂ ಕೃತ್ವಾ ಸೂದಯಿತ್ವಾ ಚ ರಾವಣಂ|
ಲಂಕಾ ಮುನ್ಮೂಲಿತಾಂ ಕೃತ್ವಾ ಕದಾ ದ್ರಕ್ಷ್ಯತಿ ಮಾಂ ಪತಿಃ||6||
ಸ ವಾಚ್ಯ ಸ್ಸಂವತ್ಸರ ಸ್ವೇತಿ ಯಾವ ದೇವ ನ ಪೂರ್ಯತೇ|
ಅಯಂ ಸಂವತ್ಸರಃ ಕಾಲಃ ತಾವದ್ಧಿ ಮಮ ಜೀವಿತಮ್||7||
ವರ್ತತೇ ದಶಮೇ ಮಾಸೋ ದ್ವೌತು ಶೇಷೌ ಪ್ಲವಂಗಮ|
ರಾವಣೇನ ನೃಶಂಸೇನ ಸಮಯೋ ಯಃ ಕೃತೋ ಮಮ||8||
ವಿಭೀಷಣೇನ ಚ ಭ್ರಾತ್ರಾ ಮಮ ನಿರ್ಯಾತನಂ ಪ್ರತಿ|
ಅನುನೀತಃ ಪ್ರಯತ್ನೇನ ನ ಚ ತತ್ ಕುರುತೇ ಮತಿಮ್||9||
ಮಮ ಪ್ರತಿ ಪ್ರದಾನಂ ಹಿ ರಾವಣಸ್ಯ ನ ರೋಚತೇ|
ರಾವಣಂ ಮಾರ್ಗತೇ ಸಂಖ್ಯೇ ಮೃತ್ಯುಃ ಕಾಲವಶಂ ಗತಮ್||10||
ಜ್ಯೇಷ್ಠಾ ಕನ್ಯಾsನಲಾ ನಾಮ ವಿಭೀಷಣ ಸುತಾ ಕಪೇ|
ತಯಾ ಮಮೇದ ಮಾಖ್ಯಾತಂ ಮಾತ್ರಾ ಪ್ರಹಿತಯಾ ಸ್ವಯಮ್||11||
ಅಸಂಶಯಂ ಹರಿಶ್ರೇಷ್ಠ ಕ್ಷಿಪ್ರಂ ಮಾಂ ಪ್ರಾಪ್ಸ್ಯತೇ ಪತಿಃ|
ಅಂತರಾತ್ಮಾ ಹಿ ಮೇ ಶುದ್ಧಃ ತಸ್ಮಿಂ ಶ್ಚ ಬಹವೋ ಗುಣಾಃ||12||
ಉತ್ಸಾಹಃ ಪೌರುಷಂ ಸತ್ತ್ವ ಮಾನೃಶಂಸ್ಯಂ ಕೃತಜ್ಞತಾ|
ವಿಕ್ರಮಶ್ಚ ಪ್ರಭಾವಶ್ಚ ಸಂತಿ ವಾನರ ರಾಘವೇ||13||
ಚತುರ್ದಶ ಸಹಸ್ರಾಣೀ ರಾಕ್ಷಸಾನಾಂ ಜಘಾನ ಯಃ|
ಜನಸ್ಥಾನೇ ವಿನಾ ಭ್ರಾತ್ರಾ ಶತ್ರುಃ ಕಃ ತಸ್ಯ ನೋ ದ್ವಿಜೇತ್||14||
ನ ಸ ಶಕ್ಯ ಸ್ತುಲಯಿತುಂ ವ್ಯಸನೈಃ ಪುರುಷರ್ಷಭ|
ಅಹಂ ತಸ್ಯ ಪ್ರಭಾವಜ್ಞಾ ಶಕ್ರಸ್ಯೇವ ಪುಲೋಮಜಾ||15||
ಶರಜಾಲಾಂಶುಮಾನ್ ಶೂರಃ ಕಪೇ ರಾಮದಿವಾಕರಃ|
ಶತ್ರುರಕ್ಷೋಮಯಂ ತೋಯಂ ಉಪಶೋಷಂ ನಯಿಷ್ಯತಿ||16||
ಇತಿ ಸಂಜಲ್ಪಮಾನಾಂ ತಾಂ ರಾಮಾರ್ಥೇ ಶೋಕಕರ್ಷಿತಾಮ್|
ಅಶ್ರುಸಂಪೂರ್ಣನಯನಾಂ ಉವಾಚ ವಚನಂ ಕಪಿಃ||17||
ಶ್ರುತ್ವೈವತು ವಚೋ ಮಹ್ಯಂ ಕ್ಷಿಪ್ರ ಮೇಷ್ಯತಿ ರಾಘವಃ|
ಚಮೂಂ ಪ್ರಕರ್ಷನ್ಮಹತೀಂ ಹರ್ಯೃಕ್ಷಗಣಸಂಕುಲಾಮ್||18||
ಅಥವಾ ಮೋಚಯಿಷ್ಯಾಮಿ ತ್ವಾಂ ಅದ್ಯೈವ ವರಾನನೇ|
ಅಸ್ಮಾತ್ ದುಃಖಾತ್ ಉಪಾರೋಹ ಮಮ ಪೃಷ್ಠಮನಿಂದಿತೇ||19||
ತ್ವಾಂ ಹಿ ಪೃಷ್ಠಗತಾಂ ಕೃತ್ವಾ ಸಂತರಿಷ್ಯಾಮಿ ಸಾಗರಮ್|
ಶಕ್ತಿ ರಸ್ತಿಹಿ ಮೇ ವೋಢುಂ ಲಂಕಾ ಮಪಿ ಸ ರಾವಣಮ್||20||
ಅಹಂ ಪ್ರಸ್ರವಣ ಸ್ಥಾಯ ರಾಘವಾಯಾದ್ಯ ಮೈಥಿಲಿ|
ಪ್ರಾಪಯಿಷ್ಯಾಮಿ ಶಕ್ರಾಯ ಹವ್ಯಂ ಹುತ ಮಿವಾನಲಃ||21||
ದ್ರಕ್ಷ ಸ್ಯದ್ಯೈವ ವೈದೇಹಿ ರಾಘವಂ ಸಹ ಲಕ್ಷ್ಮಣಮ್|
ವ್ಯವಸಾಯ ಸಮಾಯುಕ್ತಂ ವಿಷ್ಣುಂ ದೈತ್ಯವಥೇ ಯಥಾ||22||
ತ್ವದ್ದರ್ಶನಕೃತೋತ್ಸಾಹಮಾಶ್ರಮಸ್ಥಂ ಮಹಾಬಲಮ್|
ಪುರಂದರ ಮಿವಾಸೀನಂ ನಾಕರಾಜಸ್ಯ ಮೂರ್ಥನಿ||23||
ಪೃಷ್ಠಮಾರೋಹ ಮೇದೇವೀ ಮಾ ವಿಕಾಂಕ್ಷಸ್ವ ಶೋಭನೇ|
ಯೋಗಮನ್ವಿಚ್ಛ ರಾಮೇಣ ಶಶಾಂಕೇ ನೇವ ರೋಹಿಣೀ||24||
ಕಥಯಂತೀವ ಚಂದ್ರೇಣ ಸೂರ್ಯೇಣ ಚ ಮಹಾರ್ಚಿಷಾ|
ಮತ್ಪೃಷ್ಠಮಧಿರುಹ್ಯ ತ್ವಂ ತರಾssಕಾಶಮಹಾರ್ಣವೌ||25||
ನ ಹಿ ಮೇ ಸಂಪ್ರಯಾತಸ್ಯ ತ್ವಾ ಮಿತೋ ನಯತೋsಂಗನೇ|
ಅನುಗಂತುಂ ಗತಿಂ ಶಕ್ತಾ ಸ್ಸರ್ವೇ ಲಂಕಾನಿವಾಸಿನಃ||26||
ಯಥಾವಾಹ ಮಿಹ ಪ್ರಾಪ್ತಃ ತಥೈವಾಹಮಸಂಶಯಃ|
ಯಾಸ್ಯಾಮಿ ಪಶ್ಯ ವೈದೇಹೀ ತ್ವಾಮುದ್ಯಮ ವಿಹಾಯಸಮ್||27||
ಮೈಥಿಲೀ ತು ಹರಿಶ್ರೇಷ್ಠಾತ್ ಶ್ರುತ್ವಾ ವಚನಮದ್ಭುತಮ್|
ಹರ್ಷವಿಸ್ಮಿತ ಸರ್ವಾಂಗೀ ಹನುಮಂತ ಮಥಾಬ್ರವೀತ್||28||
ಹನುಮನ್ ದೂರ ಮಧ್ವಾನಂ ಕಥಂ ಮಾಂ ವೋಢುಮಿಚ್ಛಸಿ|
ತದೇವ ಖಲು ತೇ ಮನ್ಯೇ ಕಪಿತ್ವಂ ಹರಿಯೂಥಪ||29||
ಕಥಂ ವಾಲ್ಪಶರೀರಸ್ತ್ವಂ ಮಾಮಿತೋ ನೇತು ಮಿಚ್ಛಸಿ|
ಸಕಾಶಂ ಮಾನವೇಂದ್ರಸ್ಯ ಭರ್ತುರ್ಮೇ ಪ್ಲವಗರ್ಷಭ||30||
ಸೀತಾಯಾ ವಚನಂ ಶ್ರುತ್ವಾ ಹನುಮಾನ್ ಮಾರುತಾತ್ಮಜಃ|
ಚಿಂತಯಾಮಾಸ ಲಕ್ಷ್ಮೀವಾನ್ನವಂ ಪರಿಭವಂ ಕೃತಮ್||31||
ನ ಮೇ ಜಾನಾತಿ ಸತ್ತ್ವಂ ವಾ ಪ್ರಭಾವಂ ವಾsಸಿತೇಕ್ಷಣಾ|
ತಸ್ಮಾತ್ ಪಶ್ಯತು ವೈದೇಹೀ ಯದ್ರೂಪಂ ಮಮ ಕಾಮತಃ||32||
ಇತಿ ಸಂಚಿತ್ಯ ಹನುಮಾಂಸ್ತದಾ ಪ್ಲವಗಸತ್ತಮಃ|
ದರ್ಶಯಾಮಾಸ ವೈದೇಹ್ಯಾಃ ಸ್ವರೂಪ ಮರಿಮರ್ದನಃ||33||
ಸ ತಸ್ಮಾತ್ಪಾದಪಾದ್ಧೀಮಾನಾಪ್ಲುತ್ಯ ಪ್ಲವಗರ್ಷಭಃ|
ತತೋ ವರ್ಥಿತು ಮಾರೇಭೇ ಸೀತಾಪ್ರತ್ಯಯಕಾರಣಾತ್||34||
ಮೇರುಮಂದರ ಸಂಕಾಶೋ ಬಭೌ ದೀಪ್ತಾನಲಪ್ರಭಃ|
ಅಗ್ರತೋ ವ್ಯವತಸ್ಥೇ ಚ ಸೀತಾಯಾ ವಾನರೋತ್ತಮಃ||35||
ಹರಿಃ ಪರ್ವತ ಸಂಕಾಶಃ ತಾಮ್ರವಕ್ತ್ರೋ ಮಹಾಬಲಃ|
ವಜ್ರದಂಷ್ಟ್ರೋ ನಖೋ ಭೀಮೋ ವೈದೇಹೀಂ ಇದಮಬ್ರವೀತ್||36||
ಸಪರ್ವತವನೋದ್ದೇಶಾಂ ಸಾಟ್ಟಪ್ರಾಕಾರ ತೋರಣಾಮ್|
ಲಂಕಾ ಮಿಮಾಂ ಸ ನಾಧಾಂ ವಾ ನಯಿತುಂ ಶಕ್ತಿ ರಸ್ತಿ ಮೇ||37||
ತದವಸ್ಥಾಪ್ಯತಾಂ ಬುದ್ಧಿ ರಲಂ ದೇವಿ ವಿಕಾಂಕ್ಷಯಾ|
ವಿಶೋಕಂ ಕುರು ವೈದೇಹಿ ರಾಘವಂ ಸಹ ಲಕ್ಷ್ಮಣಮ್||38||
ತಂ ದೃಷ್ಟ್ವಾ ಭೀಮಸಂಕಾಶಂ ಉವಾಚ ಜನಕಾತ್ಮಜಾ|
ಪದ್ಮಪತ್ರವಿಶಾಲಾಕ್ಷೀ ಮಾರುತ ಸ್ಯೌರಸಂ ಸುತಂ||39||
ತವಸತ್ವಂ ಬಲಂ ಚೈವ ವಿಜಾನಾಮಿ ಮಹಾಕಪೇ|
ವಾಯೋರಿವ ಗತಿಂ ಚೈವ ತೇಜಶ್ಚಾಗ್ನೇರಿವಾದ್ಭುತಮ್||40||
ಪ್ರಾಕೃತೋsನ್ಯಃ ಕಥಂ ಚೇಮಾಂ ಭೂಮಿ ಮಾಗಂತು ಮರ್ಹತಿ|
ಉದಧೇ ರಪ್ರಮೇಯಸ್ಯ ಪಾರಂ ವಾನರಪುಂಗವ||41||
ಜಾನಾಮಿ ಗಮನೇ ಶಕ್ತಿಂ ನಯನೇ ಚಾಪಿ ತೇ ಮಮ|
ಅವಶ್ಯಂ ಸಂಪ್ರಧಾ ರ್ಯಾಶು ಕಾರ್ಯಸಿದ್ಧಿ ರ್ಮಹಾತ್ಮನಃ||42||
ಅಯುಕ್ತಂ ತು ಕಪಿಶ್ರೇಷ್ಠ ಮಮ ಗಂತುಂ ತ್ವಯಾsನಘ|
ವಾಯುವೇಗ ಸವೇಗಸ್ಯ ವೇಗೋ ಮಾಂ ಮೋಹಯೇತ್ತವ||43||
ಅಹಮಾಕಾಶ ಮಾಪನ್ನಾ ಹ್ಯುಪರ್ಯುಪರಿ ಸಾಗರಮ್|
ಪ್ರಪತೇಯಂ ಹಿ ತೇ ಪೃಷ್ಠಾದ್ಭಯಾದ್ವೇಗೇನ ಗಚ್ಛತಃ||44||
ಪತಿತಾ ಸಾಗರೇ ಚಾಹಂ ತಿಮಿನಕ್ರಝುಷಾಕುಲೇ|
ಭವೇಯ ಮಾಶು ವಿವಶಾ ಯಾದಸಾಮನ್ನಮುತ್ತಮಮ್||45||
ನ ಚ ಶಕ್ಷ್ಯೇ ತ್ವಯಾ ಸಾರ್ಥಂ ಗಂತುಂ ಶತ್ರುವಿನಾಶನ|
ಕಳತ್ರವತಿ ಸಂದೇಹಃ ತ್ವಯ್ಯಪಿ ಸ್ಯಾದಸಂಶಯಃ||46||
ಹ್ರಿಯಮಾಣಾಂ ತು ಮಾಂ ದೃಷ್ಟ್ವಾ ರಾಕ್ಷಸಾ ಭೀಮವಿಕ್ರಮಾಃ|
ಅನುಗಚ್ಛೇಯು ರಾದಿಷ್ಟಾ ರಾವಣೇನ ದುರಾತ್ಮನಾ||47||
ತೈಸ್ತ್ವಂ ಪರಿವೃತ ಶ್ಶೂರೈಃ ಶೂಲ ಮುದ್ಗರ ಪಾಣಿಭಿಃ|
ಭವೇಸ್ತ್ವಂ ಸಂಶಯಂ ಪ್ರಾಪ್ತೋ ಮಯಾ ವೀರ ಕಳತ್ರವಾನ್||48||
ಸಾಯುಧೋ ಬಹವೋ ವ್ಯೋಮ್ನಿ ರಾಕ್ಷಾಸಾಸ್ತ್ವಂ ನಿರಾಯುಧಃ|
ಕಥಂ ಶಕ್ಷ್ಯಸಿ ಸಂಯಾತುಂ ಮಾಂ ಚೈವ ಪರಿರಕ್ಷಿತುಮ್||49||
ಯುಧ್ಯಮಾನಸ್ಯ ರಕ್ಷೋಭಿಃ ತವ ತೈಃ ಕ್ರೂರಕರ್ಮಭಿಃ|
ಪ್ರಪತೇಯಂ ಹಿ ತೇ ಪೃಷ್ಠಾತ್ ಭಯಾರ್ತಾ ಕಪಿಸತ್ತಮ||50||
ಅಥ ರಕ್ಷಾಂಸಿ ಭೀಮಾನಿ ಮಹಂತಿ ಬಲವಂತಿ ಚ|
ಕಥಂಚಿತ್ ಸಾಂಪರಾಯೇ ತ್ವಾಂ ಜಯೇಯುಃ ಕಪಿಸತ್ತಮ||51||
ಅಥವಾ ಯುಧ್ಯಮಾನಸ್ಯ ಪತೇಯಂ ವಿಮುಖಸ್ಯ ತೇ|
ಪತಿತಾಂ ಚ ಗೃಹೀತ್ವಾ ಮಾಂ ನಯೇಯುಃ ಪಾಪರಾಕ್ಷಸಾಃ||52||
ಮಾಂ ವಾ ಹರೇಯು ಸ್ತ್ವದ್ದಸ್ತಾದ್ವಿಶಸೇಯುರಥಾಪಿ ವಾ|
ಅವ್ಯವಸ್ಥೌ ಹಿ ದೃಶ್ಯೇತೇ ಯುದ್ಧೇ ಜಯಾಪರಾಜಯೌ||53||
ಅಹಂ ವಾಪಿ ವಿಪದ್ಯೇಯಂ ರಕ್ಷೋಭಿ ರಭಿತರ್ಜಿತಾ|
ತ್ವತ್ಪ್ರಯತ್ನೋ ಹರಿಶ್ರೇಷ್ಠ ಭವೇ ನ್ನಿಷ್ಫಲ ಏವ ತು||54||
ಕಾಮಂ ತ್ವ ಮಸಿ ಪರ್ಯಾಪ್ತೋ ನಿಹಂತುಂ ಸರ್ವರಾಕ್ಷಸಾನ್ |
ರಾಘವಸ್ಯ ಯಶೋ ಹೀಯೇತ್ತ್ವಯಾ ಶಸ್ತೈಸ್ತು ರಾಕ್ಷಸೈಃ||55||
ಅಥವಾssದಾಯಾ ರಕ್ಷಾಂಸಿ ನ್ಯಸೇಯು ಸ್ಸಂವೃತೇ ಹಿ ಮಾಮ್|
ಯತ್ರ ತೇ ನಾಭಿಜಾನೀಯುರ್ಹರಯೋ ನಾಪಿ ರಾಘವೌ||56||
ಆರಂಭಸ್ತು ಮದರ್ಥೋ ಯಂ ತತಸ್ತವ ನಿರರ್ಥಕಃ|
ತ್ವಯಾ ಹಿ ಸಹ ರಾಮಸ್ಯ ಮಹಾನಾಗಮನೇ ಗುಣಃ||57||
ಮಯಿ ಜೀವಿತ ಮಾಯತ್ತಂ ರಾಘವಸ್ಯ ಮಹಾತ್ಮನಃ|
ಭಾತೄಣಾಂ ಚ ಮಹಾಬಾಹೋ ತವ ರಾಜ ಕುಲಸ್ಯ ಚ||58||
ತೌ ನಿರಾಶೌ ಮದರ್ಥಂ ತು ಶೋಕಸಂತಾಪಕರ್ಶಿತೌ|
ಸಹ ಸರ್ವರ್ಕ್ಷಹರಿಭಿಸ್ತ್ಯಕ್ಷತಃ ಪ್ರಾಣ ಸಂಗ್ರಹಮ್||59||
ಭರ್ತೃ ಭಕ್ತಿಂ ಪುರಸ್ಕೃತ್ಯ ರಾಮಾದನ್ಯಸ್ಯ ವಾನರ|
ನ ಸ್ಪೃಶಾಮಿ ಶರೀರಂ ತು ಪುಂಸೋ ವಾನರ ಪುಂಗವ||60||
ಯದಹಂ ಗಾತ್ರ ಸಂಸ್ಪರ್ಶಂ ರಾವಣಸ್ಯ ಬಲಾದ್ಗತಾ|
ಅನೀಶಾ ಕಿಂ ಕರಿಷ್ಯಾಮಿ ವಿನಾಥಾ ವಿವಶಾ ಸತೀ||61||
ಯದಿ ರಾಮೋ ದಶಗ್ರೀವಮಿಹ ಹತ್ವಾ ಸ ಬಾಂಧವಮ್|
ಮಾಮಿತೋ ಗೃಹ್ಯ ಗಚ್ಛೇತ್ತತ್ತಸ್ಯ ಸದೃಶಂ ಭವೇತ್||62||
ಶ್ರುತಾ ಹಿ ದೃಷ್ಟಾ ಶ್ಚ ಮಯಾ ಪರಾಕ್ರಮಾ ಮಹತ್ಮನಸ್ತಸ್ಯ ರಣಾವಿಮರ್ದಿನಃ|
ಸ ದೇವಗಂಧರ್ವಭುಜಂಗರಾಕ್ಷಸಾ ಭವಂತಿ ರಾಮೇಣ ಸಮಾ ಹಿ ಸಂಯುಗೇ||63||
ಸಮೀಕ್ಷ್ಯ ತಂ ಸಂಯತಿ ಚಿತ್ರಕಾರ್ಮುಕಮ್ ಮಹಾಬಲಂ ವಾಸವತುಲ್ಯವಿಕ್ರಮಮ್|
ಸ ಲಕ್ಷ್ಮಣಂ ಕೋ ವಿಷಹೇತ ರಾಘವಮ್ ಹೂತಾಶನಂ ದೀಪ್ತ ಮಿವಾನಿಲೇರಿತಮ್||64||
ಸ ಲಕ್ಷ್ಮಣಂ ರಾಘವ ಮಾಜಿಮರ್ದನಮ್ ದಿಶಾಗಜಂ ಮತ್ತಮಿವ ವ್ಯವಸ್ಥಿತಮ್|
ಸ ಹೇತ ಕೋ ವಾನರಮುಖ್ಯ ಸಂಯುಗೇ ಯುಗಾಂತ ಸೂರ್ಯಪ್ರತಿಮಂ ಶರಾರ್ಚಿಷಮ್||65||
ಸ ಮೇ ಹರಿಶ್ರೇಷ್ಠ ಸ ಲಕ್ಷ್ಮಣಂ ಪತಿಂ ಸಯೂಧಪಂ ಕ್ಷಿಪ್ರ ಮಿಹೋಪಪಾದಯ|
ಚಿರಾಯ ರಾಮಂ ಪ್ರತಿ ಶೋಕಕರ್ಶಿತಾಮ್ ಕುರುಷ್ವ ಮಾಂ ವಾನರಮುಖ್ಯ ಹರ್ಷಿತಾಂ||66||
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಸಪ್ತತ್ರಿಂಶಸ್ಸರ್ಗಃ ||
|| Om tat sat ||